Ապրիլի 27-ին Ընտրական համակարգերի միջազգային հաստատության (IFES) նախագահ և գործադիր տնօրեն Էնթոնի Բանբըրին և IFES-ի հայաստանյան գրասենյակի ներկայացուցիչները հանդիպել են Հայաստանի Հանրապետության Կենտրոնական ընտրական հանձնաժողովի (ԿԸՀ) նախագահ Վահագն Հովակիմյանի հետ։
Հանդիպման ընթացքում երկու կողմերի ներկայացուցիչները քննարկել են իրենց միջև գործող համագործակցության հարցերը՝ ընդգծելով համատեղ իրականացվող ծրագրերի շարունակականության կարևորությունը։ Բացի այդ, քննարկվեցին առաջիկա համապետական և տեղական ինքնակառավարման մարմինների (ՏԻՄ) ընտրությունների նախապատրաստական աշխատանքները։
Հիշեցնենք, որ Հայաստանում խորհրդարանական ընտրությունները նախատեսված են 2026 թվականի հունիսի 7-ին։