ՀՀ վարչապետ Նիկոլ Փաշինյանը իր X սոցիալական ցանցի էջում արձագանքել է ԱՄՆ նախագահ Դոնալդ Թրամփի մասնակցությամբ Սպիտակ տան թղթակիցների ասոցիացիայի ընթրիքի ժամանակ տեղի ունեցած անհանգստացնող կրակոցներին։
«Ուրախ եմ լսել, որ նախագահ Դոնալդ Թրամփը, առաջին տիկինը, փոխնախագահը և մյուս մասնակիցները անվտանգ են Սպիտակ տան մամուլի ընթրիքի ժամանակ տեղի ունեցած անհանգստացնող կրակոցներից հետո», – գրել է վարչապետը։
Ինչպես հայտնի է, շաբաթ երեկոյան Վաշինգտոնում տեղի ունեցած միջոցառման ընթացքում կրակոցներ են արձակվել։ Որսորդական հրացանով և ատրճանակով զինված տղամարդը վիրավորել է անվտանգության աշխատակցին, սակայն չի կարողացել մոտենալ բարձրաստիճան պաշտոնյաներին։ Կասկածյալը արդեն ձերբակալվել է։
Ամերիկյան լրատվամիջոցների աղբյուրների համաձայն՝ կրակողը հայտարարել է, որ իր թիրախը բարձրաստիճան ամերիկացի պաշտոնյաներն են եղել, թեև նա ԱՄՆ նախագահ Դոնալդ Թրամփի անունը կոնկրետ չի նշել։ ԱՄՆ-ի գլխավոր դատախազ Թոդ Բլանշը չի բացառել, որ նախագահը կարող էր լինել կրակողի թիրախներից մեկը։