Իրանի արտաքին գործերի նախարար Աբբաս Արաղչին շնորհակալություն է հայտնում մի շարք երկրների, այդ թվում՝ Հայաստանի, կառավարություններին՝ իրանցիներին հայրենադարձելու գործում ցուցաբերած օգնության համար։
Իր Telegram-ի ալիքում նախարարը նշել է, որ շատ իրանցիներ, որոնք գտնվում էին արտասահմանում, դժվարին իրավիճակում հայտնվեցին՝ իրենց հայրենիք վերադառնալու հարցում։ Նա ընդգծել է, որ շատ օտարերկրյա գործընկերներ օգնեցին նրանց տարհանման հարցում։
«Ես պետք է շնորհակալություն հայտնեմ Աֆղանստանի, Թուրքմենստանի, Ադրբեջանի, Հայաստանի, Թուրքիայի և նույնիսկ Սաուդյան Արաբիայի կառավարություններին նրանց տարհանման գործում ցուցաբերած համագործակցության համար։ Մեր հարևանները, այդ թվում՝ Պակիստանը, նույնպես զգալի օգնություն ցուցաբերեցին», – գրել է նախարարը։
Արաղչին նաև հավելել է, որ համագործակցություն է հաստատվել նաև մարդասիրական օգնություն, այդ թվում՝ դեղորայք և սնունդ, ուղարկելու հարցում։ Նրա խոսքով՝ Իրանը ողջունում է ցանկացած երկրի օգնության առաջարկը, քանի որ այն ոչ թե անհրաժեշտություն է, այլ համերաշխության ցուցադրում իրանցի ժողովրդի հետ։
Ավելի վաղ Հայաստանի արտաքին գործերի նախարար Արաբատ Միրզոյանը հայտարարել էր, որ Երևանը մարդասիրական օգնություն է ուղարկել Իրան, որի մեջ մտնում է դեղորայք։