Ադրբեջանի արտաքին գործերի նախարար Ջեյհուն Բայրամովը կիրակի օրը հեռախոսազրույց է ունեցել Թուրքիայի արտաքին գործերի նախարար Հաքան Ֆիդանի հետ։
Զրույցի ընթացքում կողմերը քննարկել են մի շարք հարցեր, որոնք առնչվում են երկու երկրների միջև գործող դաշինքի շրջանակներում համագործակցությանը։ Անդրադարձ է կատարվել նաև Ադրբեջանի և Թուրքիայի համատեղ ջանքերին միջազգային կազմակերպություններում և բազմակողմ հարթակներում։
Հեռախոսազրույցի օրակարգում ընդգրկված էր տարածաշրջանային անվտանգության ընթացիկ իրավիճակը։ Բացի այդ, նախարարները մտքեր են փոխանակել Մերձավոր Արևելքում տիրող իրավիճակի, ադրբեջանա-հայաստանյան հարաբերությունների կարգավորման և փոխադարձ հետաքրքրություն ներկայացնող այլ հարցերի շուրջ։